Апрелиин 4-дэ, П.И. Чайковскиин нэрэмжэтэ урлалай колледжын оюутад ба багшанар «Анда» хамтаралтай, Бабуудоржын Сэсэгмаатай уулзаа.
Дэлхэй дүүрэн мэдээжэ болоһон “Анда” бүлгэмэй хүгжэмшэд Үргэн (хэнгэрэг), Сайхан (тобшуур), Үни (тобшуур), Чингэл (лимбэ, модон соор), Үргэн (морин хуур), Нарсу (морин хуур), Чингэлтүү (ехэ хуур) гэгшэдэй хүгжэмэй зэмсэгүүд дээрэ нүүдэлшэ арадай дуу хүгжэм зэдэлүүлээ, хүгжэмэй зэмсэгүүд тухай тобшохоноор хөөрэжэ үгөө.
Оюутад Сэсэгмааhаа хэды наhатайhаа дуулажа захалаабта?, түрүүшын багша хэн байгааб? Яагаад тоглолтонуудтаа бэлэдхэл хэдэбтэ? … гэхэ мэтын олон асуудалнуудта дүүрэн харюу абаа. Буряад арадай «Алтаргана», «Эреэн алаг булжамуур» гэhэн дуунуудай түүхэ, удха тухай Сэсэгмаа оюутадта хөөрэжэ, дуулажа, шагнагшадай зүрхэ сэдьхэл доhолгоо.
Урлалай колледжын «Жэргэмэл» бүлгэм «Yргэн Баргажан» дуугаа бэлэг болгон «Анда» бүлгэмдөө баряа.
Энэ дулаан уулзалгын түгэсхэлдэ фотозурагуудаа хамта буулгажа, хүгжэмшэд болон оюутад хаяг, утаhаараа андалдаад, дахинаа уулзаха найдамтайгаар айлшадаа мордуулаа.
